ბაჩანა არაბული კარიერას ავსტრალიის ჩემპიონატში გააგრძელებს. 28 წლის ქართველმა ფეხბურთელმა „მაკარტურთან“ კონტრაქტი 2024 წლის ზაფხულამდე გააფორმა.
აღსანიშნავია, რომ „მაკარტურის“ მთავარი მწვრთნელი დუაიტ იორკია, „მანჩესტერ იუნაიტედის“ ლეგენდარული თავდამსხმელი:
„მოგვწონს მისი სტილი, ცაციაა, რაც საშუალებას მოგვცემს შეტევაში ცოტა განსხვავებულადაც ვითამაშოთ. გუნდში ჯანსაღი კონკურენციის დამკვიდრება გვინდა და არაბული ამაში დაგვეხმარება“, - აღნიშნა იორკმა.
„ეს არის ფანტასტიკური შანსი იმისა, რომ ისეთი თავდამსხმელისგან ბევრი ვისწავლო, როგორიც დუაიტ იორკია“, - თქვა ქართველმა ფეხბურთელმა.
არაბული ბოლოს ბერძნულ „ლამიაში“ თამაშობდა, სადაც 8 გოლის გატანა მოახერხა. მანამდე ის „პანიონიოსის“, „პუშკაშ აკადემიას“, „ბალმაზუივაროშის“, „ცხინვალის“, „სამტრედიას“, „დინამო თბილისისა“ და გორის „დილას“ რიგებში ირჯებოდა.
აღსანიშნავია, რომ „მაკარტურის“ მთავარი მწვრთნელი დუაიტ იორკია, „მანჩესტერ იუნაიტედის“ ლეგენდარული თავდამსხმელი:
