საქართველოს წყალბურთელთა ნაკრებმა ხორვატიაში მიმდინარე ევროპის ჩემპიონატზე მეორე მატჩი ჩაატარა და იტალიის ნაკრებთან წააგო.

დეიან სტანოიევიჩის გუნდმა მეტოქეს დიდი წინააღმდეგობა ვერ გაუწია, თუმცა ეს გასაკვირი არაა, რადგან იტალია მსოფლიოში ერთ-ერთი საუკეთესოა.

საბოლოოდ, საქართველომ 10 ქულის სხვაობით, 8:10 წააგო და ორი ტურის შემდეგ ჯგუფში უქულოდ მესამე ადგილზეა. აღსანიშნავია, რომ ამავე ჯგუფში სლოვაკეთმა მონტენეგროსთან იდენტური ანგარიშით განიცადა მარცხი. თავის მხრივ, სტანოიევიჩის გუნდი პირველ ტურში მონტენეგროსთან ბრძოლაში, 11:14 დამარცხდა.

საქართველოს ნაკრებს გადამწყვეტი მატჩი სლოვაკეთთან 2 სექტემბერს ელოდება და გამარჯვების შემთხვევაში პლეი-ოფში გავა, საიდანაც უკვე მეოთხედფინალის საგზურის მოპოვებას ეცდება.

იტალია - საქართველო 18:8 (4:1, 5:2, 6:4, 3:1)