„ნაპოლის“ ცნობილმა გულშემატკივარმა და საფეხბურთო მენეჯერმა ენრიკო ფედელემ ხვიჩა კვარაცხელია „ფიორენტინასთან“ მატჩის შემდეგ გააკრიტიკა. მან თქვა, რომ მისი ნიჭი ეჭვს არ იწვევს, მაგრამ იტალიაში სათამაშოდ სტაბილურობა საჭიროა.

„ვწუხვარ ამ პატარა ბიჭის, კვარას გამო, რადგან მას გუშინ ჩაეძინა. ნიჭი განსახილველი არაა, მაგრამ იტალიის ჩემპიონატში თანმიმდევრულობა და უწყვეტობაა საჭირო. პირველ რიგში ჩვენ, გულშემატკივრები ვართ, ვისაც ფეხბურთელების შესახებ გადაჭარბება გვახასიათებს, როგორც დადებითი კუთხით, ისე მათი დეპრესიამდე მიყვანით. კვარას დოდოს წინააღმდეგ თამაში ძალიან გაუჭირდა“, - თქვა ფედელემ.

აღსანიშნავია, რომ ფედელემ კვარაცხელია არა მხოლოდ ახლა, არამედ „ვერონასთან“ მატჩის შემდეგაც გააკრიტიკა, როცა ქართველმა თავი გოლით და საგოლე პასით გამოიჩინა.

შეგახსენებთ, რომ „ნაპოლი“ მომდევნო ტურში 31 აგვისტოს, საკუთარ მოედანზე „ლეჩეს“ დაუპირისპირდება.