„ლაიფციგმა“ „ჰოფენჰაიმიდან“ მარცხენა მცველი დავიდ რაუმი დაიმატა. ინფორმაცია ოფიციალურად დადასტურდა.

„ხარებმა“ რაუმს კონტრაქტი 2027 წლის ზაფხულამდე გაუფორმეს. გერმანელმა გასულ სეზონში „სოფლელების“ მაისურით 35 მატჩი ჩაატარა და 3 გოლი გაიტანა. მანამდე ის „ფიურტის“ ღირსებას იცავდა.

დავიდ რაუმს გერმანიის ნაკრებში დებიუტი 2021 წელს ჰქონდა და „ბუნდესნაკრების“ ღირსება დღემდე 9 მატჩში დაიცვა.