„მანჩესტერ იუნაიტედის“ თავდამსხმელის, კრიშტიანუ რონალდუს მომავალზე საუბარი არ წყდება. ამჯერად, ესპანური გაზეთი As-ი იტყობინება, რომ პორტუგალიელი შესაძლოა „ნაპოლიში“ გადავიდეს.

წყაროს თანახმად, კრიშტიანუს მომდევნო სეზონში ჩემპიონთა ლიგაზე თამაში სურს და ისეთ გუნდს ეძებს, რომელიც ამ ტურნირზე მონაწილეობს. ესპანური გაზეთი წერს, რომ აურელიო დე ლაურენტისი რონალდუს აგენტ ჟორჟე მენდეშთან დიდი ხანია მეგობრობს და ნეაპოლელთა ხელმძღვანელი მზადაა თავის გუნდში 37 წლის პორტუგალიელი მიიწვიოს.

შეგახსენებთ, რომ კრიშტიანუ რონალდუს „მანჩესტერთან“ კონტრაქტი 2023 წლის ზაფხულამდე აკავშირებს. ის ინგლისში ორი დღის წინ დაბრუნდა და კლუბის ხელმძღვანელობასთან თავის მომავალზე მოლაპარაკებებს მართავს.