ინგლისურმა „მანჩესტერ იუნაიტედმა“ „აიაქსიდან“ არგენტინელი მცველი ლისანდრო მარტინესი დაიმატა. ინფორმაცია ოფიციალურად დადასტურდა.
მარტინესმა „წითელ ეშმაკებთან“ 5-წლიანი კონტრაქტი გააფორმა 1 წლით განახლების ვარიანტით.
„ჩემთვის დიდი გამოწვევა ამ დიდებულ კლუბში მოსვლა. ძალიან ბევრი ვიმუშავე, რომ აქამდე მოვსულიყავი და ახლა, როცა აქ ვარ, ვაპირებ კიდევ უფრო შორს წავიდე და დავეხმარო გუნდს წარმატებების მიღწევაში“, - თქვა ლისანდრომ.
24 წლის ლისანდრო მარტინესი „აიაქსში“ 2019-2022 წლებში თამაშობდა და 120 შეხვედრაში 6 გოლი გაიტანა, შესაბამისად ერიკ ტენ ჰაგი მის შესაძლებლობებს კარგად იცნობს. მანამდე არგენტინელი სამშობლოში, „ნიუელს ოლდ ბოისისა“ და „დეფენსა იუსტისიას“ ღირსებას იცავდა, ხოლო არგენტინის ნაკრებში 7-ჯერ აქვს ნათამაშები.
