ტურინის „იუვენტუსსა“ და აარონ რემზის შორის კონტრაქტი გაწყდა. მხარეებმა შეთანხმებას მიაღწიეს და თანამშრომლობა შეწყვიტეს. ტურინელთა ვებგვერდმა ინფორმაცია ოფიციალურად დაადასტურა.

რემზის „იუვესთან“ კონტრაქტი 2023 წლის ზაფხულამდე აკავშირებდა და ამ პერიოდში 7 მილიონი ევრო უნდა მიეღო, მაგრამ ის კლუბის გეგმებში აღარ შედიოდა, ამიტომ, კონტრაქტი გაუწყვიტეს.

რემზიმ გასული სეზონის მეორე ნახევარი იჯარით „რეინჯერსში“ გაატარა, ხოლო „იუვენტუსში“ 2019 წლიდან ირიცხებოდა და 70 შეხვედრაში 6 გოლი გაიტანა. გარდა ამისა, უელსელ ფეხბურთელს „კარდიფ სიტიში“, „არსენალსა“ და „ნოტინგემ ფორესტში“ უთამაშია.