რობერტ ლევანდოვსკი პრაქტიკულად „ბარსელონას“ ფეხბურთელია. პოლონელმა ფეხბურთელმაც დაადასტურა, რომ „ბაიერნს“ ტოვებს.

„ბაიერნში“ მშვენიერი რვა წელი გავატარე, ამ ფანტასტიკურ გამოცდილებას არასდროს დავივიწყებ. „ბარსელონას“ ტურნეს შემდეგ დავბრუნდები, რომ კლუბის ყველა თანამშრომელს სათანადოდ დავემშვიდობო“, - თქვა პოლონელმა.

რობერტ ლევანდოვსკი „ბარსელონასთან“ სამწლიან კონტრაქტს გააფორმებს, ხოლო „ბაიერნი“ 50 მილიონ ევროს მიიღებს. ლევანდოვსკიმ „რეკორდმაისტერის“ რიგებში 375 თამაშში 344 გოლი გაიტანა.