რობერტ ლევანდოვსკის მიმდინარე ზაფხულს „ბაიერნის“ დატოვება სურს და მზადაა სხვა კლუბში გადავიდეს.
პოლონელის პრიორიტეტი „ბარსელონაში“ გადაბარგებაა, მაგრამ ბოლო დროს მოლაპარაკებები შეფერხდა. გერმანელი ჟურნალისტი კრისტიან ფალკი იტყობინება, რომ ლევანდოვსკის „ჩელსიში“ გადასვლის შესაძლებლობა აქვს. ჯერჯერობით, სხვა დეტალები უცნობია.
შეგახსენებთ, რომ გასულ სეზონში პოლონელმა ფორვარდმა „ბაიერნის“ მაისურით 46 მატჩში 50 გოლი გაიტანა. მას მიუნხენურ გრანდთან კონტრაქტი 2023 წლის ზაფხულამდე აკავშირებს და გერმანული კლუბი მის გასხვისებას ამ დრომდე არ თანხმდება.
