ლონდონის „არსენალმა“ სეზონის მოსამზადებელ ეტაპზე ამხანაგური მატჩი გერმანულ „ნიურნბერგთან“ ჩაატარა და უხვგოლიან შეხვედრაში 5:3 მოიგო. აღსანიშნავია, რომ „მეთოფეებმა“ პირველი ტაიმი 0:2 წააგეს.

თუმცა, მეორე ტაიმში მეტოქე დაჯაბნეს. დუბლი შეასრულა გაბრიელ ჟეზუსმა, რომელმაც „არსენალში“ პირველად ითამაშა. ბრაზილიელი ფეხბურთელი მოედანზე 46-ე წუთზე გამოჩნდა და 90 წამი დასჭირდა სადებიუტო გოლის გასატანად, ხოლო მერე 75-ე წუთზე შეაგდო და საბოლოო შედეგი დააფიქსირა.

საინტერესოა, რომ გერმანელებმა ორი გოლი საკუთარ კარში გაიტანეს. შეგახსენებთ, „არსენალმა“ გაბრიელ ჟეზუსი „მანჩესტერ სიტიდან“ 52 მილიონ ევროდ იყიდა.