მექსიკის მესამე დივიზიონის ბინადარმა „სან ლუისმა“ არც მეტი, არც ნაკლები - რონალდინიოს გუნდში დამატების შესახებ გამოაცხადა.
ცხადია, ლეგენდარული ბრაზილიელი მექსიკელთა რიგებში, როგორც ფეხბურთელი არ ჩარიცხულა, სავარაუდოდ ის კლუბის მენეჯმენტში იმუშავებს. თუმცა, ზუსტად, რა ფუნქცია ექნება რონალდინიოს „სან ლუისში“ ჯერ კიდევ უცნობია.
„კეთილი იყოს შენი მობრძანება“, - წერს კლუბი სოციალური ქსელების გვერდებზე.
შეგახსენებთ, რომ რონალდინიოს მექსიკაში თამაშის გამოცდილებაც აქვს, სადაც „კერეტაროს“ ღირსებას იცავდა.
