ფრანგული „ლილის“ მცველი სვენ ბოტმანი კარიერას „ნიუკასლ იუნაიტედში“ გააგრძელებს. ინფორმაცია იტალიურმა მედიამ გამოაქვეყნა.

ბოტმანი დიდი ხნის განმავლობაში „მილანთან“ ახლოს იყო და იტალიაში მისი ტრანსფერი პრაქტიკულად გადაწყვეტილი გახლდათ, მაგრამ ბოლო მომენტში საქმეში „ნიუკასლი“ ჩაერია, რომელმაც „ლილს“ უკეთესი პირობები შესთავაზა.

„მილანი“ 30 მილიონ ევროს იხდიდა, ხოლო ინგლისელებმა 40 მილიონის გადახდა გადაწყვიტეს. Calciomercato-ს ცნობით, 22 წლის ნიდერლანდელმა და ფრანგულმა კლუბმა „კაჭკაჭებს“ უკვე თანხმობა განუცხადეს.

სვენ ბოტმანი „ლილში“ 2020 წლიდან თამაშობდა და 79 მატჩში 3 გოლი გაიტანა. ის ნიდერლანდებში ერთ-ერთ ყველაზე ნიჭიერ ცენტრალურ მცველად მიიჩნევა.