რაფაელ ნადალი კარიერას ასრულებს? ლეგენდარულმა ესპანელმა 6 ივნისს სპეციალური პრესკონფერენცია ჩანიშნა, რის გამოც ფრანგული მედია ვარაუდობს, რომ შესაძლოა მან ჩოგბურთიდან წასვლის შესახებ განაცხადოს.

ეჭვებს ის ამყარებს, რომ პრესკონფერენციას სტუმრის რანგში როჯერ ფედერერი დაესწრება. ნადალი დღეს როლან გაროსის ფინალში კასპერ რუუდს დაუპირისპირდება და პრესკონფერენციას ხვალ გამართავს.

რაფას ბოლო დროს ქრონიკული ტრავმები აწუხებს, რის გამოც შესაძლოა კარიერის დასრულება გადაწყვიტოს. ჯერჯერობით, ეს მხოლოდ ფრანგული მედიის ვარაუდია, ყველაფერი ხვალ გაირკვევა.

შეგახსენებთ, რომ რაფაელ ნადალისა და კასპერ რუუდის შეხვედრა დღეს, თბილისის დროით 17:00 საათზე დაიწყება.