„ესპანიოლის“ მთავარ მწვრთნელად დიეგო მარტინესი დაინიშნა. კატალონურმა გუნდმა ინფორმაცია ოფიციალურად დაადასტურა.

41 წლის ესპანელმა კლუბთან კონტრაქტი 2024 წლის ზაფხულამდე გააფორმა. მარტინესი ბოლოს „გრანადაში“ მუშაობდა, რომელიც გასულ სეზონში ევროპა ლიგის მეოთხედფინალში გაიყვანა.

„ესპანიოლმა“ ლა ლიგის გასული სეზონი 42 ქულით მე-14 ადგილზე დაასრულა და ესპანური ფეხბურთის ელიტაში ადგილი შეინარჩუნა.