Radio Kiss Kiss Napoli-ს ჟურნალისტმა პაოლო დელ ჯენიომ ხვიჩამ კვარაცხელიას შესახებ ისაუბრა. როგორც მან რადიო Goal-ს განუცხადა, კვარაცხელია განსაკუთრებით კარგად მნიშვნელოვან და მაღალი დონის მატჩებს ატარებს. მაგალითად, ესპანეთთან და შვედეთთან შეხვედრები მოიყვანა.

„კვარაცხელიას ერთი უცნაური თვისება აქვს: მან ორი შესანიშნავი თამაში ჩაატარა, როცა მატჩის დონე მაღალი იყო, ეს არის სანაკრებო დონეზე შვედეთთან და ესპანეთთან მატჩები. ვიმედოვნებ, რომ თანაგუნდელებისა და მეტოქეების საერთო დონის გაზრდით, შესაბამისად, მატჩების დონის მატებით, ის არ ჩაიკარგება და პირიქით, შეიძლება კიდევ უფრო აფეთქდეს. ამ შემთხვევაში ის, თავიდანვე ფუნდამენტური ფეხბურთელი გახდება“, - თქვა დელ ჯენიომ.

შეგახსენებთ, ხვიჩა კვარაცხელია „ნაპოლის“ ზაფხულში შეუერთდება, ჯერჯერობით კი „დინამო ბათუმში“ თამაშობს, რომლის მაისურით საქართველოს ეროვნულ ლიგაში 10 მატჩში 6 გოლის გატანა მოახერხა.