ავსტრალიის ღია პირველობის ჩემპიონმა რაფაელ ნადალმა ვარჯიშს დაუბრუნდა. ნეკნის სტრესული მოტეხილობის გამო, მას ოთხი კვირა გაუცდა. როდის გამოვა კორტზე, ჯერ უცნობია. სავარაუდოდ, საფრანგეთის ღია პირველობამდე, რომელიც 13-ჯერ აქვს მოგებული, მოთელვისთვის რომელიმე ტურნირზე ითამაშებს.

35 წლის ნადალმა ბოლოს ინდიან ველსის ფინალში, ამერიკელ ტეილორ ფრიცთან ითამაშა და დამარცხდა. ამავე ტრავმის გამო, ნადალს თიხნარის სეზონის დასაწყისში არ უთამაშია - ბარსელონას და მონტე კარლოს ტურნირები გამოტოვა.

„ოთხთვიანი პაუზის შემდეგ, დღეს საჩოგბურთო კორტზე ფეხი შევდგი. პირველი მსუბუქი ვარჯიში ჩავატარე“, - ტვიტერზე წერს ნადალი, ვისაც მამაკაცებს შორის, ჩოგბურთის ისტორიაში დიდი სლემის ყველაზე მეტი, 21 ტიტული აქვს მოპოვებული.

საფრანგეთის ღია პირველობა 22 მაისს დაიწყება. მანმდ კი მასტერს 1000-ის სერიის ორი, მადრიდის და რომის ტურნირი გაიმართება და სავარაუდოდ, ესპანელი რომელიმეზე იასპარეზებს.