ინგლისის პრემიერლიგის კლუბმა "ევერტონმა" რუსულ კომპანიებთან თანამშრომლობა გაწყვიტა, რომლებიც კლუბს აფინანსებდნენ. აღნიშნული კომპანიები რუს მილიარდელ ალიშერ უსმანოვს ეკუთვნის, რომელიც ვლადიმერ პუტინთან დაახლოებული პირია.

ლივერპულელებმა თანამშრომლობა გაწყვიტეს USM Holdings-თან, რომლის დაქვემდებარებაშია ციფრული და სატელეკომუნიკაციო კომპანია Megafon-ი და ამ ჯგუფის წევრი Yota, რომელიც ქალთა გუნდის მაისურზეა დატანილი.

უსმანოვს ევროკავშირში აქტივები უკვე გაეყინა.