აფრიკის ეროვნებათა თასზე A ჯგუფში ასპარეზობა დასრულდა და შესაბამისად, უკვე ცნობილია ორი გუნდი, რომელიც 1/16 ფინალში ითამაშებს.
მასპინძელ კამერუნს პლეი-ოფში თამაში საწყის ორ ტურში გამარჯვებებით ისედაც განაღდებული ჰქონდა, მას კი ბურკინა ფასო შეუერთდა.
კამერუნი ბოლო ტურში კაპე ვერდეს დაუზავდა, ხოლო ბურკინა ფასო ეთიოპიას - ორივე მატჩი 1:1 დასრულდა.
შედეგად, კამერუნის ნაკრებმა ჯგუფში 7 ქულით პირველი ადგილი დაიკავა, ბურკინა ფასომ 4 ქულა დააგროვა და მეორე ადგილი ერგო. ასევე 4 ქულით დაასრულა ასპარეზობა კაპე ვერდემ, მაგრამ ბურკინა ფასომ ბურთების ბალანსით აჯობა. კაპე ვერდეს შანსი აქვს, პლეი-ოფში როგორც მესამეადგილოსანი გავიდეს, მაგრამ ამისთვის საჭიროა, ასპარეზობა სხვა ჯგუფებში უნდა დასრულდეს.
