68 წლის თურქმა სპეციალისტმა, ფათიხ თერიმმა, „გალათასარაის“ მთავარი მწვრთნელის პოსტი დატოვა - წერს კლუბის ოფიციალური ვებ-გვერდი.
„გადაწყვეტილება პატივცემულ თერიმთან ერთად მივიღეთ. ჩვენ ყოველთვის მივიღებთ სარგებელს მისი იდეებიდან. მან ხომ „გალათასარაი“ ევროპაში ცნობადი კლუბი გახადა.“ - წერია კლუბის განცხადებაში.
ცნობისათვის, თერიმი თავის სამწვრთნელო კარიერაში ოთხჯერ ხელმძღვანელობდა „გალათასარაის.“ 1999-2000 წლების სეზონში კი მისი თავკაცობით სტამბოლურმა კლუბმა უეფას თასი მოიპოვა.
