„მანჩესტერ იუნაიტედის“ მთავარმა მწვრთნელმა, რალფ რანგნიკმა, ჟურნალიტებს აუხსნა, რატომ დანიშნმა პორტუგალიელი თავდამსხმელი, კრიშტიანუ რონალდუ, გუნდის კაპიტნად.

„კრიშტიანუ ყველაზე გამოცდილი ფეხბურთელია გუნდში. თუ სხვადასხვა პერიოდებს შევაერთებთ, გამოვა რომ დღეს არსებულთაგან რონალდუ ყველაზე დიდი ხანია კლუბში თამაშობს.

სიმართლე გითხრათ, კაპიტანს რონალდუსა და დე ხეას შორის ვარჩევდი, მაგრამ უკეთესია კაპიტნის სამკლავური მინდვრის მოთამაშეს ეკუთვნოდეს.“ - ციტირებს გერმანელი სპეციალისტის სიტყვებს Sky Sports.

მიმდინარე პრემიერლიგის ბოლო მატჩში, მანკუნიანელებმა ორშაბათს „ვულვერჰემპტონთან“ 0:1 წააგეს და ახლა, 19 მატჩის შემდეგ 31 ქულით ცხრილში მე-7 ადგილზე არიან.