„მილანი“ აგრძელებს მოლაპარაკებას მარცხენა მცველ ტეო ერნანდესთან. კლუბი ფეხბურთელს ახალ კონტრაქტს სთავაზობს 2026 წლამდე, წელიწადში 4,5 მილიონევროიანი ანაზღაურებით - წერს ტვიტერში ჟურნალისტი ნიკოლო სკირა.

ერნანდესის კლუბთან ამჟამინდელ ხელშეკრულებას ვადა 2024 წლის ზაფხულში ეწურება. მისი ჯამაგირი კი წელიწადში 1,5 მილიონი ევროა.

ერნანდესი „მილანში“ 2019 წელს გადავიდა მადრიდის „რეალიდან“.

სერია А-ს მიმდინარე სეზონში ფრანგმა უკანახაზელმა 15 მატჩი ჩაატარა, 2 ბურთი გაიტანა და ხუთი საგოლე პასი შეასრულა.