"მანჩესტერ იუნაიტედში" კორონავირუსის ინფექცია გავრცელდა. ამის შესახებ The Athletic-ი იტყობინება.
წყაროს ცნობით, კორონავირუსი კლუბის რამდენიმე თანამშრომელსა და ფეხბურთელს დაუდგინდა. ამის გამო კვირის ვარჯიში შეცვლილ რეჟიმში წარიმართა. ფეხბურთელები ინდივიდუალურად უკონტაქტო რეჟიმში ვარჯიშობდნენ.
დაინფიცირებულები თვითიზოლაციაში გადავიდნენ. ჯერჯერობით უცნობია გაიმართება თუ არა პრემიერ ლიგის მე-17 ტურის მატჩი „ბრენტფორდთან“ სამშაბათს, 14 დეკემბერს.
აქვე გეტყვით, რომ დაინფიცირებულთა რაოდენობას ბრიტანული მედია არ ავრცელებს და არც მათი ვინაობაა ცნობილი.
