"მანჩესტერ სიტის" მთავარი მწვრთნელი პეპ გვარდიოლა ინგლისის ჩემპიონატის ნოემბრის საუკეთესო მწვრტნელად დაასახელეს. აღნიშნულ ინფორმაციას პრემიერლიგის ოფიციალური ვებგვერდი ავრცელებს.

გვარდიოლას გუნდმა გასულ თვეში ინგლისის ჩემპიონატში სამი მატჩი ჩაატარა, დაამარცხა "მანჩესტერ იუნაიტედი"(2:0), "ევერტონი" (3:0) და "ვესტ ჰემი" (2:1). ესპანელი სპეციალისტი თვის საუკეთესო მწვრთნელი მეათედ გახდა და ამ მაჩვენებლით დევი მოიესს გაუთანაბრდა. ყველაზე მეტჯერ თვის საუკეთესოდ სერ ალექს ფერგიუსონი (27) და არსენ ვენგერი (15) დაუსახელებიათ.