ესპანეთის ეროვნული ნაკრების და "ბარსელონას" ნახევარმცველი სერხი რობერტო მარჯვენა ბარძაყის ოპერაციას გაიკეთებს. აღნიშნული ინფორმაცია "ბლაუგრანას" ოფიციალურმა ვებგვერდმა გაავრცელა, თუმცა არ დაუკონკრეტებიათ სარეაბილიტაციო პერიოდი. Mundo Deportivo-ს ინფორმაციით, ფეხბურთელი ოთხი თვე ვერ ითამაშებს.

ესპანელმა ფეხბურთელმა ტრავმა ოქტომბრის ბოლოს ერთ-ერთ ვარჯიშზე მიიღო. ერთთვიანი დაკვირვების შემდეგ, 29 წლის მოთამაშისთვის ოპერაცია გარდაუვალი აღმოჩნდა. მიმდინარე სეზონში რობერტომ 12 მატჩი ჩაატარა, გაიტანა ორი გოლი და ერთი საგოლე გადაცემა შეასრულა.