საქართველოს ეტლით მოფარიკავეთა ნაკრები წარმატებით ასპარეზობს მსოფლიოს ჩემპიონატზე, რომელიც იტალიის ქალაქ პიზაში იმართება.
ჩვენი ქვეყნის ნაკრებმა სამი მედალი მოიპოვა - ირმა ხეცურიანი ოქროს, გვანცა ზადიშვილი ვერცხლს, ხოლო ნინა თიბილაშვილი ბრინჯაოს მედალს დაეუფლა.
ხეცურიანმა ხმლით ფარიკაობის (B კატეგორია) ფინალში იტალიელი ორსანა ასკურინო 15:14 დაამარცხა და პირველი ადგილი დაისაკუთრა.
ასევე ხმლით ფარიკაობაში, ოღონდ A კატეგორიაში თიბილაშვილი და ზადიშვილი ერთმანეთს ნახევარფინალში შეხვდნენ და გამარჯვება ამ უკანასკნელს დარჩა. საბოლოოდ, გვანცამ ასპარეზობა მეორე ადგილზე და ვერცხლის მედლით დაასრულა, ხოლო თიბილიშვილი ბრინჯაოს მედალს დაეუფლა.
