გოგიტა არქანია (+84 კგ) მსოფლიოს ჩემპიონია. დუბაიში მიმდინარე კარატისტთა მსოფლიოს ჩემპიონატზე ქართველმა სპორტსმენმა ფინალური ორთაბრძოლა იტალიელ სიმონე მარინოს დაძაბულ ბრძოლაში 3:2 მოუგო და მსოფლიოს ჩემპიონი მეორედ (2014 წელი) გახდა.

ფინალამდე ქართველმა სპორტსმენმა 5 შეხვედრა ჩაატარა და ყველა მათგანი დამაჯერებლად მოიგო. პირველ წრეში ჯერ მექსიკელს 8:0, შემდეგ მონტენეგროელ მოწინააღმდეგეს 2:0, ესპანელს 8:0, ხოლო მეოთხე წრეში ამერიკელ მეტოქეს 3:0 და ბოლო ეტაპზე ხორვატ კარატისტს 3:1 სძლია.

შეგახსენებთ, რომ 37 წლის სპორტსმენმა ზაფხულში ტოკიოს ოლიმპიურ თამაშებზეც იასპარეზა და მე-5 ადგილი დაიკავა.