მადრიდის „რეალი“ ლუკა მოდრიჩთან ახალ კონტრაქტზე მოლაპარაკებებს დაიწყებს. ამის შესახებ Marca იტყობინება.
ხორვატ ფეხბურთელს „სამეფო კლუბთან“ ხელშეკრულება მიმდინარე სეზონის ბოლოს ეწურება, მაგრამ ესპანელებს სურთ, რომ ლუკა მომდევნო სეზონშიც შეინარჩუნონ. უახლოეს მომავალში მხარეები შეხვდებიან და ახალი შეთანხმების დეტალებს განიხილავენ.
შეგახსენებთ, ლუკა მოდრიჩი „რეალმა“ 2012 წელს ლონდონის „ტოტენჰემიდან“ შეიძინა. მას შემდეგ მან „ბლანკოსის“ რიგებში 402 მატჩი ჩაატარა და 28 გოლის გატანა მოახერხა.
