მსოფლიოს 2022 წლის ჩემპიონატზე სერბეთის, ესპანეთისა და ხორვატიის ნაკრებები ითამაშებენ. მორიგმა სათამაშო დღემ სწორედ ასეთი ვერდიქტი გამოიტანა.
A ჯგუფი
A ჯგუფში ყველაფერი მარტივად იყო: ლისაბონში პორტუგალია სერბეთს მასპინძლოდა, ორივეს 17-17 ქულა ჰქონდა, მაგრამ მასპინძლებს ფრე, სტუმრებს კი მხოლოდ მოგება აწყობდათ. საბოლოოდ სერბეთმა მოიგო და კრიშტიანუ რონალდუს პორტუგალია პლეი-ოფში გაგზავნა.
არადა, ლუზიტანელებისთვის ყველაფერი იდეალურად დაიწყო და მეორე წუთზე რენატო სანჩესმა ანგარიში გახსნა. თუმცა, პირველივე ტაიმში დუშან ტადიჩმა გაათანაბრა და ყველაფერი თავიდან დაიწყო. საბოლოოდ, დრამატული მატჩის ბედი 90-ე წუთზე ალექსანდრ მიტროვიჩის თავურმა დარტყმამ გადაწყვიტა და სერბეთმა მუნდიალის საგზური მოიპოვა.
პორტუგალია - სერბეთი 1:2 (1:1)
გოლები: 1:0 სანჩესი (2), 1:1 ტადიჩი (33), 1:2 მიტროვიჩი (90)
ლუქსემბურგი - ირლანდია 0:3 (0:0)
გოლები: 0:1 დაფი (67), 0:2 ოგბენე (75), 0:3 რობინსონი (88)
| 1. | სერბეთი | 8 | 6 | 2 | 0 | 18 | 9 | 9 | 20 |
| 2. | პორტუგალია | 8 | 5 | 2 | 1 | 17 | 6 | 11 | 17 |
| 3. | ირლანდია | 8 | 2 | 3 | 3 | 11 | 8 | 3 | 9 |
| 4. | ლუქსემბურგი | 8 | 3 | 0 | 5 | 8 | 18 | -10 | 9 |
| 5. | აზერბაიჯანი | 8 | 0 | 1 | 7 | 5 | 18 | -13 | 1 |
B ჯგუფი
B ჯგუფშიც, სადაც საქართველო ასპარეზობდა, ანალოგიური ვითარება იყო. ესპანეთი შვედეთს მასპინძლობდა და ფრეც აწყობდა, შვედებს - მხოლოდ მოგება. საბოლოოდ, ლუის ენრიკეს გუნდმა უღიმღალო შეხვედრაში ალვარო მორატას 86-ე წუთზე გატანილი გოლით მოიგო და მსოფლიოს ჩემპიონატზეა, ხოლო შვედეთი ასპარეზობას პლეი-ოფში გააგრძელებს და იქ ეცდება სიტუაციის გამოსწორებას. გავიხსენოთ ისიც, რომ საქართველოსთან მარცხი რომ არა, სკანდინავიელებს ესპანეთთან ფრეც ეყოფოდათ...
საქართველოს ნაკრებმა, რომელმაც ბოლო ტური გამოტოვა, ჯგუფში მეოთხე ადგილი 7 ქულით დაიკავა და 3 ქულით ჩამორჩა საბერძნეთის ნაკრებს, რომელმაც შინ კოსოვოსთან 1:1 ითამაშა. ვილი სანიოლის გუნდს ბათუმში ბერძნები რომ დაემარცხებინათ, მესამე ადგილი ერგებოდა, მაგრამ არ გამოვიდა.
ესპანეთი - შვედეთი 1:0 (0:0)
გოლი: 1:0 მორატა (86)
საბერძნეთი - კოსოვო 1:1 (1:0)
გოლი: 1:0 მასურასი (44), 1:1 რაჰმანი (76)
| 1. | ესპანეთი | 8 | 6 | 1 | 1 | 15 | 5 | 10 | 19 |
| 2. | შვედეთი | 8 | 5 | 0 | 3 | 12 | 6 | 6 | 15 |
| 3. | საბერძნეთი | 8 | 2 | 4 | 2 | 8 | 8 | 0 | 10 |
| 4. | საქართველო | 8 | 2 | 1 | 5 | 6 | 12 | -6 | 7 |
| 5. | კოსოვო | 8 | 1 | 2 | 5 | 5 | 15 | -10 | 5 |
H ჯგუფი
H ჯგუფშიც ფინალის ტოლფასი მატჩი შედგა: ხორვატიას შინ რუსეთთან მხოლოდ მოგება გაიყვანდა მუნდიალზე, რუსეთს ფრეც ხელს აძლევდა. ყველაფერი ვალერი კარპინის გუნდის სასიკეთოდ მიდიოდა, მაგრამ 81-ე წუთზე ფიოდორ კუდრიაშევმა საკუთარ კარში გაიტანა და ამ ავტოგოლით მსოფლიოს ჩემპიონატზე ხორვატიაა, რუსეთი კი პლეი-ოფში.
ხორვატია - რუსეთი 1:0 (0:0)
გოლი: 1:0 კუდრიაშევი (81, საკ-კარში)
მალტა - სლოვაკეთი 0:6 (0:3)
გოლები: 0:1 რუსნაკი (6), 0:2 დუდა (8), 0:3 რუსნაკი (16), 0:4 დუდა (69), 0:5 დე მარკო (72), 0:6 დუდა (80)
სლოვენია - კვიპროსი 2:1 (0:0)
გოლები: 1:0 ზაიჩი (48), 2:0 ჩერინი (84), 2:1 კაკულისი (89)
| 1. | ხორვატია | 10 | 7 | 2 | 1 | 21 | 4 | 17 | 23 |
| 2. | რუსეთი | 10 | 7 | 1 | 2 | 19 | 6 | 13 | 22 |
| 3. | სლოვაკეთი | 10 | 3 | 5 | 2 | 17 | 10 | 7 | 14 |
| 4. | სლოვენია | 10 | 4 | 2 | 4 | 13 | 12 | 1 | 14 |
| 5. | კვიპროსი | 10 | 1 | 2 | 7 | 4 | 21 | -17 | 5 |
| 6. | მალტა | 10 | 1 | 2 | 7 | 9 | 30 | -21 | 5 |
J ჯგუფი
და ბოლოს, J ჯგუფი, საიდანაც გერმანიას დიდი ხანია მოპოვებული ჰქონდა მსოფლიოს ჩემპიონატზე თამაშის უფლება, მაგრამ სამაგიეროდ, პლეი-ოფის ბედი ირკვეოდა. ჩრდილოეთ მაკედონიამ, რომელმაც ევროპის ჩემპიონატზე ითამაშა, ახლა მუნდიალზე გასვლის შანსი აქვს, რადგან შინ ისლანდიას 3:1 მოუგო და რუმინეთს ნაკრებს 1 ქულით გაასწრო. ამგვარად, ბრძოლას აგრძელებს.
სომხეთი - გერმანია 1:4 (0:2)
გოლები: 0:1 ჰავერტცი (15), 0:2 გიუნდოგანი (45), 0:3 გიუნდოგანი (50), 1:3 მხითარიანი (59. პენ), 1:4 ჰოფმანი (64)
ჩრდ. მაკედონია - ისლანდია 3:1 (1:0)
გოლები: 1:0 ალიოსკი (7), 1:1 თორსტეინსონი (54), 2:1 ელმასი (65), 3:1 ელმასი (87)
ლიხტანშტაინი - რუმინეთი 0:2 (0:1)
გოლები: 0:1 მანი (8), 0:2 ბანჩუ (87)
| 1. | გერმანია | 10 | 9 | 0 | 1 | 36 | 4 | 32 | 27 |
| 2. | ჩრდ. მაკედონია | 10 | 5 | 3 | 2 | 23 | 11 | 12 | 18 |
| 3. | რუმინეთი | 10 | 5 | 2 | 3 | 13 | 8 | 5 | 17 |
| 4. | სომხეთი | 10 | 3 | 3 | 4 | 9 | 20 | -11 | 12 |
| 5. | ისლანდია | 10 | 2 | 3 | 5 | 12 | 18 | -6 | 9 |
| 6. | ლიხტანშტაინი | 10 | 0 | 1 | 9 | 2 | 34 | -32 | 1 |
აქვე გეტყვით, რომ მსოფლიოს ჩემპიონატს 32 მონაწილედან 9 უკვე ჰყავს - ყატარი, ბრაზილია, გერმანია, დანია, ბელგია, საფრანგეთი, ესპანეთი, სერბეთი და ხორვატია.
