ბრიტანულ მედიაში გავრცელდა კრიშტიანუ რონალდუს სიტყვები, რომლებიც მან „ნიუკასლ იუნაიტედთან“ მატჩის წინ გასახდელში თანაგუნდელებს უთხრა. პორტუგალიელის გამოსვლა მართლაც შთამბეჭდავია და მან უკვე დაიწყო გუნდის საბრძოლველად მომართვა.

„მანჩესტერ იუნაიტედში“ ორი მიზეზით დავბრუნდი. პირველი ის არის, რომ მიყვარს კლუბი და მეორე ის, რომ მომწონს გამარჯვებულის მენტალიტეტი, რომელიც ამ კლუბის გარშემოა. აქ იმისთვის არ ვარ, რომ cheerleader-ი ვიყო. თუ გინდათ წარმატებული იყოთ, „იუნაიტედი“ გულის სიღრმიდან უნდა გიყვარდეთ. უნდა ჭამოთ, დაიძინოთ და იბრძოლოთ კლუბისთვის. არ აქვს მნიშვნელობა თამაშობ თუ არ თამაშობ, ყოველთვის 100% უნდა გაიღო და თანაგუნდელებს მხარი დაუჭიო. აქ გამარჯვებისთვის ვარ და გამარჯვებას ბედნიერება მოაქვს. გვინდა ვიყოთ ბედნიერები, არა? თქვენ ფანტასტიკური ფეხბურთელები ხართ და მჯერა თქვენი, წინააღმდეგ შემთხვევაში არ დავბრუნდებოდი. თუ ყველაფერს გააკეთებთ, გულშემატკივრები მხარს დაგიჭერენ. მინდა შევქმნა გამარჯვებული მენტალიტეტი და როდესაც მე წავალ, ეს ყველაფერი დარჩება და თქვენ ისევ დომინანტები იქნებით. მაქსიმუმს გავაკეთებ და მაგრამ მხარდაჭერა თქვენგანაც მჭირდება. მზად ხართ ბრძოლისთვის? მზად ხართ მოედანზე ყველაფერი გაიღოთ?“, - უთხრა რონალდუმ თანაგუნდელებს.

შეგახსენებთ, კრიშტიანუ რონალდუმ „ნიუკასლ იუნაიტედთან“ დიდებულად ითამაშა, დუბლი შეასრულა და „წითელმა ეშმაკებმა“ 4:1 მოიგეს.