ურუგვაელი ფეხბურთელი მარტინ კასერესი მომდევნო სეზონში „კალიარის“ რიგებში ითამაშებს. აღნიშნულ ინფორმაციას იტალიური კლუბის ოფიციალური ვებგვერდი ავრცელებს. სამხრეთამერიკელმა ფეხბურთელმა ერთწლიან კონტრაქტს მოაწერა ხელი და კლუბს თავისუფალი აგენტის სტატუსით შეუერთდა.

გასული ორი სეზონი მარტინმა „ფიორენტინაში“ გაატარა. „იების“ რიგებში კასერესმა 61 მატჩი ჩაატარა, გაიტანა ოთხი გოლი და ერთი საგოლე გადაცემა შეასრულა. კასერესს კარიერის განმავლობაში „იუვენტუსის“, „ბარსელონას“ და „სევილიას“ რიგებში უთამაშია.