„პარი სენ ჟერმენის“ პრეზიდენტმა ნასერ ალ-ხელაიფიმ ლიონელ მესის პრესკონფერენციისას კილიან მბაპეს შესახებ კომენტარი გააკეთა. როგორც პსჟ-ს ხელმძღვანელმა თქვა, ფრანგი ფეხბურთელი კლუბში რჩება და პარიზიდან არ მიდის.
„ყველამ იცის - პარიზში რჩება. ის ძალიან კონკურენტუნარიანი ფეხბურთელია, რომელმაც გამარჯვებულის თვისებები აქვს. ამაზე მეტად კონკურენტუნარიანი გუნდის წარმოდგენა რთულია, მასაც ეს სურდა და ამიტომ, აქ რჩება, რომ გაიმარჯვოს“, - თქვა ალ-ხელაიფიმ.
შეგახსენებთ, რომ კილიან მბაპეს „პარი სენ ჟერმენთან“ კონტრაქტი 2023 წლამდე აკავშირებს და მის განახლებას არ ჩქარობს. ფრანგ შემტევს აქტიურად მადრიდის „რეალს“ უკავშირებდნენ, მაგრამ როგორც ჩანს, მომდევნო სეზონსაც „პარკ დე პრენსზე“ გაატარებს.
