ეთერ ლიპარტელიანი ბრინჯაოს მედლისთვის ბრძოლას აგრძელებს. ქართველმა ძიუდოისტმა 57 კგ წონით კატეგორიაში რეპეშაჟის შეხვედრა მოიგო და მედლამდე ერთადერთი გამარჯვება აშორებს.
ლიპარტელიანი პოლონელ ილია კოვალჩიკს დაუპირისპირდა, რომელიც ძალზე დაძაბულ ბრძოლაში, დამატებით დროში ვაზარით დაამარცხა.
შეგახსენებთ, ლიპარტელიანმა მანამდე ანგოლელი დიასონემა მუკუნგუი და გერმანელი ტერეზა შტოლი დაამარცხა, ხოლო მეოთხედფინალში დამატებით დროში ფრანგ სარა ლეონი სისიკესთან მარცხი განიცადა. ეთერი ბრინჯაოს მედლისთვის შეხვედრაში იაპონელ ცაკასა იოშიდას დაუპირისპირდება.
შეგახსენებთ, დღეს ვაჟთა შორის 73 კგ წონით კატეგორიაში ლაშა შავდათუაშვილი ასპარეზობს, რომელიც ნახევარფინალშია გასული.
