ვეტერანი ფრანგი ფეხბურთელი კევინ გამეირო საფრანგეთში დაბრუნდა და კარიერას „სტრასბურში“ გააგრძელებს, რომელიც მისი მშობლიური გუნდია. ინფორმაცია ოფიციალურად დადასტურდა.

34 წლის თავდამსხმელმა კლუბთან, სადაც მისი კარიერა დაიწყო, 2-წლიანი კონტრაქტი გააფორმა. გამეირო „სტრასბურში“ 2005-2008 წლებში თამაშობდა და 68 მატჩში 17 გოლი გაიტანა.

ამის შემდეგ მან „ლორიენში“, პსჟ-ში, „სევილიაში“, „ატლეტიკოსა“ და „ვალენსიაში“ ითამაშა. საფრანგეთის ნაკრებში გამეირომ 13 თამაშში 3 გოლი გაიტანა.