მიუნხენის „ბაიერნმა“ კამერუნელ თავდამსხმელ ერიკ მაქსიმ ჩუპო-მოტინგს კონტრაქტი გაუხანგრძლივა. ამის შესახებ გერმანული გრანდის ვებგვერდი ოფიციალურად იტყობინება.
ჩუპო-მოტინგი „რეკორდმაისტერის“ ღირსებას 2023 წლის ზაფხულამდე დაიცავს და რობერტ ლევანდოვსკის შემცვლელის ფუნქციას შეასრულებს.
შეგახსენებთ, 32 წლის კამერუნელმა თავდამსხმელმა გასულ სეზონში ყველა ტურნირზე ჩატარებულ 32 თამაშში 9 გოლის გატანა მოახერხა.
