რობერტ ლევანდოვსკიმ ლეგენდარული გერდ მიულერის 49 წლის წინ დამყარებული რეკორდი საბოლოოდ დაამხო! 41 გოლი ბუნდესლიგის ერთ სეზონში - ეს უნიკალური შედეგია და მისი ავტორი დღეიდან პოლონელი ფორვარდია.

"ბაიერნმა" ბოლო ტურში "აუგსბურგი" 5:2 დაამარცხა, რობერტმა კი მატჩის ბოლო წუთზე გაიტანა გოლი, რომლითაც ნახევარსაუკუნოვანი რეკორდი დაამხო. რობერტი ბევრჯერ ეცადა უმნიშვნელოვანესი გოლის გატანას, მაგრამ ხან თანამემამულე მეკარე რაფალ გიკიევიში უშლიდა ხელს, ხან მცველები. აი, ზედ ბოლო წუთზე კი სწორედ მეკარის მიერ უხეიროდ მოგერიებულ ბურთს ცარიელ კარში დაამატა, რეკორდის ავტორი გახდა და თამაში აღარც განახლებულა.

ლევანდოვსკიმ ბუნდესლიგის 2020-2021 წლების სეზონში 29 მატჩში 41 გოლი და 7 საგოლე პასი მიითვალა. გერდ მიულერმა კი 1971-1972 წლების სეზონში შეძლო 40 გოლის გატანა. ამრიგად, რობერტ ლევანდოვსკიმ ისტორია კიდევ ერთხელ დაწერა.

"ბაიერნმა" 5:2 მოიგო და "ვერცხლის სინი" ზედიზედ მეცხრედ ჩაიბარა. მიუნხენში ბევრი ცრემლიც იყო, რადგან ჰანს-დიტერ ფლიკს, ჟერომ ბოატენგს, დავიდ ალაბასა და ხავი მარტინესს დაემშვიდობნენ.

აქვე გეტყვით, რომ მომდევნო სეზონში ჩემპიონთა ლიგაზე "ბაიერნი", "ლაიფციგი", "დორტმუნდი" და "ვოლფსბურგი" ითამაშებენ, "აინტრახტმა" და "ლევერკუზენმა" ევროპა ლიგის საგზური მოიპოვეს, ხოლო "უნიონ ბერლინი" კონფერენს ლიგაზე" გავიდა.

ბუნდესლიგიდან "შალკეს" გარდა კიდევ ერთი დიდ ტრადიციების მქონე გუნდი გავარდა - ბრემენის "ვერდერი"... პლეია-უტში მეორე ბუნდესლიგის მესამეადგილოსანთან გადარჩენისთვის იბრძოლებს "კიოლნი.