მადრიდის „რეალის“ მთავარ მწვრთნელად შესაძლოა რაული დაინიშნოს. აღნიშნულ ინფორმაციას Marca აქვეყნებს. ახალგაზრდა სპეციალისტს მადრიდული გამოცემა მთავარ ფავორიტადაც ასახელებს.

წყაროს თანახმად, რაულს ყველაზე დიდი შანსი აქვს, რომ ზინედინ ზიდანი შეცვალოს, რომელიც კლუბიდან წასვლა აპირებს. „სამეფო კლუბში“ სხვა ვარიანტებიც განიხილება, მაგალითად, მასიმილიანო ალეგრი, მაგრამ ფავორიტი რაულია.

აღსანისნავია, რომ ესპანელი სპეციალისტით ინტერესს ფრანკფურტის „აინტრახტიც“ იჩენს და გერმანულ გუნდსაც უკავშირებენ.

რაული 2018 წლიდან მადრიდის „რეალის“ ახალგაზრდულ გუნდს ავარჯიშებს და 2020 წელს ახალგაზრდული ჩემპიონთა ლიგაც მოაგებინა.