საქართველოს ნაკრებისა და ყაზანის „რუბინის“ ფეხბურთელის, ხვიჩა კვარაცხელიას მიმართა მსურველთა სია გაიზარდა. როგორც Tuttomercatoweb-ი წერს, 20 წლის შემტევით მილანის „ინტერი“ და ბერგამოს „ატალანტაც“ არიან დაინტერესებული.

გამოცემა წერს, რომ ეს კლუბები „მილანის“, „იუვენტუსის“ და „ნაპოლის“ შემდეგ მოდიან, თუმცა, ფეხბურთელს ინტერესით აკვირდებიან. ამ ეტაპზე მეტი კონკრეტული ინფორმაცია უცნობია.

• "იუვენტუსი", "ბაიერნი", "მილანი": ხვიჩას ტრანსფერის მოლოდინი და პლუს-მინუსები

შეგახსენებთ, მიმდინარე სეზონში ქართველმა შემტევმა რუსეთის პრემიერლიგის 21 მატჩში თავი 4 გოლით, 4 საგოლე პასით და მოპოვებული 4 პენალტით გამოიჩინა. საქართველოს ნაკრებშიც ბრწყინვალე სტატისტიკა აქვს - 8 თამაში, 3 გოლი, 1 საგოლე პასი და 1 მოპოვებული პენალტი. მას რუსულ გუნდთან კონტრაქტი 2024 წლის ზაფხულამდე აქვს გაფორმებული.