ტურინის „იუვენტუსი“ კრიშტიანუ რონალდუსთან კონტრაქტის განახლებას აპირებს. Tuttosport-ის ცნობით, ორივე მხარე მზადყოფნას გამოთქვას თანამშრომლობის განახლებასთან დაკავშირებით.

რონალდუს „იუვესთან“ ხელშეკრულება 2022 წლის 30 ივნისამდე აკავშირებს და ამ ეტაპზე საუბარია ერთი წლით გაგრძელებაზე. ფინანსური დეტალები ჯერჯერობით უცნობია.

კრიშტიანუ ასაკის მიუხედავად შესანიშნავ ფორმაშია და ტურინელების მიზანია, რომ ის კლუბში დარჩეს.

პორტუგალიელი ფეხბურთელი „იუვენტუსში“ 2018 წლიდან თამაშობს და 112 მატჩში 87 გოლი აქვს გატანილი, მიმდინარე სეზონში კი ყველა ტურნირზე 23 შეხვედრაში თავი 22-ჯერ გამოიჩინა.