UFC-ის ქართველ მებრძოლ მერაბ დვალიშვილს ინციდენტი შეემთხვა. ქართველი მებრძოლი ფიქრობდა, რომ თოვლიან წყალში ხტებოდა, მაგრამ წყალი გაყინული დახვდა და თავი გაიტეხა. მან ამის ამსახველი კადრები ინსტაგრამის გვერდზე განათავსა.

"მეგონა თოვლიან წყალში ვხტებოდი რადგან გუშინ არ იყო გაყინული... მაგრამ ბასრი ყინული დამხვდა... ეხლა ყველაფერი რიგზეა კარგად ვარ", - დაწერა მერაბმა.

შეგახსენებთ, რომ მერაბ დვალიშვილს UFC-ში დადებითი ბალანსია გააჩნია და 5 გამარჯვების საპირისპიროდ 2 მარცხი აქვს.