ტურინის „იუვენტუსის“ ფეხბურთელი კრიშტიანუ რონალდუ დიეგო მარადონას დაემშვიდობა. პორტუგალიელმა ვარსკვლავმა პოსტი სოციალურ ქსელში გამოაქვეყნა.

„დღეს მე მეგობარს დავემშვიდობე და სამყარო მარადიულ გენიოსს დაემშვიდობა. ერთ-ერთი საუკეთესო ისტორიაში. უბადლო ჯადოქარი. ის ძალიან ადრე მიდის, მაგრამ ტოვებს მემკვიდრეობას შეუზღუდავად და სიცარიელეს, რომელიც არასდროს შეივსება. მშვიდად განისვენე, არასდროს დაგივიწყებთ“, - დაწერა რონალდუმ.

შეგახსენებთ, დიეგო არმანდო მარადონა დღეს არგენტინის ქალაქ ტიგრეში, საკუთარ სახლში გულის შეტევის შედეგად გარდაიცვალა.