არგენტინის ეროვნული ნაკრების და "ბარსელონას" შემტევმა ლიონელ მესიმ კრიშტიანუ რონალდუს მალე გამოჯანმრთელება უსურვა. "ბლაუგრანა" "იუვენტუსს" 28 ოქტომბერს ჩემპიონთა ლიგის ჯგუფურის ეტაპის მატჩში ხვდება, ხოლო პორტუგალიელი ფეხბურთელი კვლავ კორონავირუსითაა ინფიცირებული.
"ჩვენი დაპირისპირება ყოველთვის განსაკუთრებული იყო. ჩვენი გუნდები ყოველთვის ძლიერები იყვნენ, "ბარსელონა" და "რეალი" მსოფლიოში ერთ-ერთი საუკეთესო კლუბები არიან. როდესაც რონალდუ "რეალში" თამაშობდა, ჩვენი მატჩები განსაკუთრებული იყო. ვიმედოვნებ, კრიშტიანუ მალე შეძლებს კორონავირუსისგან განკურნებას და ჩემპიონთა ლიგის მატჩში მონაწილეობას მიიღებს." - ციტირებს The Express-ი ლიონელის სიტყვებს.
