იტალიური „მილანი“ ლუკა იოვიჩის ტრანსფერს კვლავ მიუბრუნდა. აღნიშნულ ინფორმაციას calciomercato.it ავრცელებს.

წყაროს ცნობით, მას შემდეგ რაც „როსონერიმ“ ზლატან იბრაჰიმოვიჩთან კონტრაქტი გააფორმა, „რეალიდან“ იოვიჩის დამატება აღარ განიხილებოდა. თუმცა, „შავ-წითლები“ სერბ ფეხბურთელს 38 წლის შვედის შემცვლელად მოიაზრებენ და მისი გადმობირება კვლავ დღის წესრიგში დადგა.

შეგახსენებთ, რომ ლუკა იოვიჩმა 2019-2020 წლების სეზონში „სამეფო კლუბის“ შემადგენლობაში 17 შეხვედრა ჩაატარა და 2 გოლის გატანა მოახერხა.