გრაცის „შტურმის“ ნახევარმცველი ოთარ კიტეიშვილი შესაძლოა „ფენერბახჩეში“ ვიხილოთ. ეს ინფორმაცია თურქულმა მედიამ რამდენიმე დღის წინ გაავრცელა და დღეს კიდევ ერთხელ დადასტურდა.

Aksam.com.tr-ის ინფორმაციით, სტამბოლელებმა არჩევანი ორ ფეხბურთელზე გააკეთეს: ერთი „ჰადერსფილდის“ წევრი ჟუნინიო ბაკუნაა და მეორე - კიტეიშვილი.

როგორც აღნიშნული ვებგვერდი წერს, „ფენერის“ ხელმძღვანელობა „შტურმს“ უახლოე დღეებში მიმართავს და ფეხბურთელის ტრანსფერზე ოფიციალურ მოლაპარაკებებს დაიწყებს. ამ დროისთვის უფრო კონკრეტული ცნობა და მოსალოდნელი ტრანსფერის დეტალები არ ვრცელდება.

შეგახსენებთ, რომ კიტეიშვილი გრაცელთა ღირსებას 2018 წლიდან იცავს და კონტრაქტი 2022 წლამდე აქვს გაფორმებული. მიმდინარე სეზონში ქართველმა ნახევარმცველმა 33 მატჩში 5 გოლი და 7 საგოლე პასი მიითვალა. ოთარის სატრანსფერო ღირებულება 1.6 მილიონი ევროა.