საფრანგეთის ლიგა 1-ისა და ლიგა 2-ის 2019-2020 წლების სეზონი დასრულებულია. ინფორმაციას გავლენიანი გამოცემა L’Equipe ავრცელებს და მიზეზი ცხადია კორონავირუსის პანდემიაა.

როგორც ცნობილი გახდა, საფრანგეთის პრემიერმინისტრმა ედუარდ ფილიპემ ქვეყანაში აგვისტომდე სპორტული ღონისძიებების თუნდაც დახურულ კარს მიღმა ჩატარება აკრძალა. შედეგად, ლიგა 1 და ლიგა 2 გაუქმებულად გამოცხადდა.

ახლა საფრანგეთში იმედოვნებენ, რომ 2020-2021 წლების სეზონს ჩვეულ რეჟიმში აგვისტოდან დაიწყებენ.

ჯერჯეობით უცნობია რა ბედი ეწევა დასრულებულ სეზონს, ეყოლება თუ არა ქვეყანას ჩემპიონი, ვინ დაქვეთდება და ვინ აღზევდება, ამასთან ევროსაგზურების მფლობელების ვინაობაც ოფიციალურად დადასტურებული არაა. მოსალოდნელია, რომ ლიგის ხელმძღვანელობა ამის შესახებ უახლოეს დღეებში იმსჯელებს.

აქვე შეგახსენებთ, რომ საფრანგეთი ბელგიისა და ნიდერლანდების შემდეგ ევროპაში მესამე ქვეყანაა, სადაც საფეხბურთო სეზონი დასრულდა.