კატალონიის „ბარსელონას“ თავდამსხმელმა ლიონელ მესიმ ყველაზე საინტერესო 15 ახალგაზრდა ფეხბურთელი დაასახელა და თითოეული მათგანი მოკლედ დაახასიათა.

გასაკვირია, რომ მესის სიაში „დორტმუნდის“ ფორვარდი ერლინგ ჰოლანდი ვერ მოხვდა, რომელმაც 2019-2020 წლების სეზონში საფეხბურთო სამყარო აალაპარაკა.

ჯეიდონ სანჩო - მისი უნარები მცველების წინააღმდეგ წარმოუდგენელია.

კაი ჰავერცი - კარის წინ მისი სიმშვიდე ასეთი ახალგაზრდა ფეხბურთელისთვის შთამბეჭდავია.

ჯოშუა კიმიხი - ძალიან ნიჭიერი ფლანგის მცველი, რომელსაც ბევრი საგოლე პასი აქვს.

ბენჟამენ პავარი - კლასიკური მცველი, რომელიც შეტევაშიც შედეგიანია.

ტრენტ-ალექსანდერ არნოლდი - გამონაკლისი ფეხბურთელია, მომავალი მისია.

კრისტიან პულიშიჩი - დიდი ბალანსი და სისწრაფე აქვს.

მეისონ მაუნთი - მას შემდეგ, რაც მისი თამაში ვნახე, შემიძლია ვთქვა, რომ აქვს პოტენციალი გახდეს ერთ-ერთი საუკეთესო.

ფილ ფოდენი - წარმოუდგენელ რამეებს აკეთებს, ძალიან ნიჭიერია.

ლუკა იოვიჩი - მაგიური მოთამაშე, რომელსაც შეუძლია დიდი ფეხბურთელი გახდეს.

ედერ მილიტაო - ფენომენალური ნიჭი აქვს და ძლიერი მეტოქეა.

უსმან დემბელე - ვარჯიშებზე მისი სისწრაფე საშიშია.

ჰუსემ ოუარი - ყოველთვის მშვიდია და შესანიშნავი ტექნიკური თვისებები გააჩნია.

ფრენკი დე იონგი - ერთ-ერთი ყველაზე სრულყოფილი ნახევარმცველი, რომელიც მის ასაკში მინახავს.

ჟოაო ფელიქსი - ამჟამად ერთ-ერთი ყველაზე საინტერესო ახალგაზრდა ფეხბურთელი მსოფლიოში.

კილიან მბაპე - სწრაფი, გოლეადორი და ძალიან საშიშია.