არგენტინული „ურაკანის“ თავდამსხმელი ნორბერტო ბრიასკო-ბალეკიანი შესაძლოა „მილანში“ გადავიდეს. ინფორმაციას იტალიური მედია ავრცელებს.

ბრიასკო არგენტინაში დაიბადა, მაგრამ წარმოშობით სომეხია და ამავე ქვეყნის ნაკრებში ირჯება. სხვათა შორის, თავად ბრიასკომაც დაადასტურა, რომ „როსონერი“ დაინტერესებულია.

„კონტაქტი იყო, მაგრამ მე არ მეჩქარება. ჩემი აგენტი იყო იტალიასა და აშშ-ში“, - თქვა Tyc Sports-თან საუბარში ბრიასკომ.

აქვე გეტყვით, რომ 24 წლის შემტევს სომხეთის ნაკრებში ოთხი თამაში აქვს ჩატარებული და „ურაკანთან“ კონტრაქტი 2023 წლამდე აკავშირებს.