ზაფხულის ოლიმპიურ თამაშებზე, ვაჟთა შორის ხმლით ფარიკაობაში, საქართველოს ზედიზედ მეორედ სანდრო ბაზაძე წარმოადგენს.

მიუხედავად იმისა, რომ ერთი სალიცენზიო ტურნირი კვლავ დარჩენილია, რომელიც 20-22 მარტის ბუდაპეშტში გაიმართება სანდრომ საკმარისი ქულები უკვე დააგროვა და ტოკიო2020-ში ასპარეზების უფლება გაინაღდა.

ქართველი მოფარიკავე მსოფლიო რეიტინგში მე-7 პოზიციაზე იმყოფება.

შეგახსენებთ, რომ ვაჟთა შორის შეჯიბრი პირად პირველობაში ხმლით ფარიკაობაში, 25 ივლისს, ტოკიოს საგამოფენო ცენტრ Makuhari Messe-ში ჩატარდება.