„დინამო თბილისმა“ წყალბურთის ჩემპიონთა ლიგაზე ისტორიული, პირველი გამარჯვება მოიპოვა. რევაზ ჩომახიძის გუნდისთვის ეს დრე მეათე ტურში და თბილისში დადგა.

ქართველმა წყლაბურთელებმა ფრანგულ „მარსელს“ უმასპინძლეს და ნანატრი გამარჯვება დამსახურებულადაც მოიპოვეს. „დინამომ“ შეხვედრა ძალიან კარგად დაიწყო და პირველივე პერიოდში სოლიდური, ოთხბურთიანი უპირატესობა მოიპოვა, რომელიც ცხადია აღარ გაანიავა.

მასპინძლები სამი პერიოდის განმავლობაში აკონტროლებდნენ თამაშს და დასკვნითი მეოთხედის წინ 7-ბურთიანი ჰანდიკაპიც ჰქონდათ. ეს უპირატესობა კი ბოლო რვა წუთში ფრანგებმა ვეღარ აღმოფხვრეს - 15:12. აღსანიშნავია, რომ შეხვედრა კორონავირუსი გამო უმაყურებლოდ ჩატარდა.

„დინამოს“ B ჯგუფში 1 მოგებითა და 9 წაგებით ისევ ბოლო, მერვე პოზიცია უკავია. მომდევნო შეხვედრა კი 10 აპრილს, სტუმრად ჯგუფის ერთ-ერთ ლიდერ უნგრულ „ფერენცვაროშთან“ ჩაატარებს.

„დინამო“ – „მარსელი“ 15:12 (5:1, 3:3, 6:3, 1:5)

გოლები: 1:0 მაგრაქველიძე (07:29), 2:0 ელაჩა (05:27), 3:0 ბარალდი (02:52), 3:1 იზდინსკი (02:33), 4:1 შუშიაშვილი (01:49), 5:1 ბარალდი (00:13), 6:1 ქავთარაძე (05:55), 6:1 კრუსილატი (05:33), 6:3 კრუსილატი (02:41), 7:3 ელაჩა (01:14), 7:4 ვუკიჩევიჩი (00:47), 8:4 ვაპენსკი (00:01), 9:4 ელაჩა (07:14), 10:4 ვაპენსკი (06:17), 10:5 კოვაჩევიჩი (05:49), 11:5 იმნაიშვილი (05:24), 11:6 ვანპერსტრატი (04:21), 12:6 ვაპენსკი (03:54), 12:7 (02:18), 13:7 რურუა (01:12), 14:7 ქავთარაძე (00:08), 14:8 კრუსილატი (03:56), 14:9 კოვაჩევიჩი (03:16), 14:10 იზდინსკი (02:39), 15:10 ქავთარაძე (02:08), 15:11 მარიონ-ვერნო (01:45), 15:12 ვანპერესტრატი (00:19)