ფამაგუსტას „ანორთოსისის“ მთავარი მწვრთნელი თემურ ქეცბაია ნიქოზიის „ოლიმპიაკოსთან“ წაგების შემდეგ (1:2) პრესკონფერენციაზე ჟურნალისტს გაუბრაზდა.

საქმე ისაა, რომ მედიის ერთ-ერთმა წარმომადგენელმა კითხვის დასმა მაშინ გადაწყვიტა, როდესაც ხელი ჯიბეში ჰქონდა ჩაყოფილი. ეს ჟესტი ქეცბაიას არ მოეწონა და უსაყვედურა.

„თქვენ წელს დიდი გზა გაიარეთ“... გააწყვეტინა ჟურნალისტს ქართველმა სპეციალისტმა და უმალვე უპასუხა:

„კი არ გავიარეთ, არამედ გავდივართ. ჯიბიდან ხელი ამოიღეთ, მე ვზივარ და გისმენთ, თქვენ ხელი ჯიბეში გიდევთ“, - უპასუხა ქეცბაიამ.

შეგახსენებთ, „ანორთოსისი“ „ოლიმპიაკოსთან“ 1:2 დამარცხდა და ლიდერობის დაკარგვის საფრთხის ქვეშ იმყოფება, რადგან „ომონიას“ დღეს გამარჯვებით შეუძლია პირველი პოზიცია წაართვას.