„ლივერპულის“ მცველი, ვირჯილ ვან დეიკი, პარასკევის ვარჯიშზე საერთო ჯგუფს შეუერთდა და საკლუბო მსოფლიო ჩემპიონატის ფინალში „ფლამენგოს“ წინააღმდეგ ითამაშებს - გვამცნობს Sky Sports.

ჰოლანდიის ნაკრების მცველმა, მცირე ტრავმის გამო, ტურნირის ნახევარფინალში, მექსიკურ „მონტერეისთან“ (2:1) ვერ შეძლო მინდორზე გასვლა.

ფინალური მატჩი ხვალ, 21 დეკემბერს გაიმართება დოჰაში და თბილისის დროით 21 საათსა და 30 წუთზე დაიწყება.